«Kamelot» kezinti gemisi Sudaq rayonında suvğa battı, yolculardan birini qurtarıcılar deñizde qıdıra. Bu aqta Qırımdaki Rusiye Fevqulâde vaziyetler idaresiniñ matbuat hızmeti bildire.
Müessise malümatına köre, gemide 12 yolcu ve eki ekipaj azası bar edi.
«Olardan 13 kişi qurtarıldı. Şimdi qurtarıcılar daa bir yolcunı qıdıra», – dep aytıla haberde.
Müessise, qaza haberi sentâbrniñ 5-nde saat 13:40-ta keldi, dep bildire. Gemi Meganom burnu rayonında yalıdan 200 metr mesafede battı.
2019 senesi iyül ayında Sudaqta Rusiye qurtarıcıları «Romantika» yahtasını qaradan köterip limanğa ketirdi.
