Qırımtatar qartları video yazıp, Sudaq civarındaki Taraq Taş köyündeki mekteplerinden birinde oca «milletlerara zıddiyet çıqarğanına» narazılıq bildirdiler. Video «Qırım birdemligi» cemaat birleşmesiniñ Facebook saifesinde yayınlanğan.
«Qırım birdemligi»niñ malümatına köre, dörtünci sınıf talebesi Safinaz Aliyevanıñ anası 2021 senesi aprelniñ 5-nde edebiyat ocası Yelen Rudenko talebelerge Ekinci cian cenkinde iştirak etken qartbaba-bitalar aqqında ikâyeler azırlmağa bergen ev vazifesini teşkergende, qız qartbabası cebede cenkleşkeni, pek yaralanğanı ve soñra evge qaytqanı ve bütün halqı ile beraber sürgün etilgeni aqqında aytıp bergen soñ oca onıñ ikâyesine tüzetmeler kirsetmege istegen. Yayınlanğa malümatq köre, oca qıznıñ ikâyesini «qırımtatarlarnıñ hainligi aqqında ikânen devam etken ve bunıñ cezası olaraq 1944 senesi sürgünligi olğanını aytqan».
«O (qırımtatar qızı – QA) közlerini kötergende, sınıfdaşlarınıñ közllerinde nefret körgenini ayttı. Bu qızğa pek tesir etti ve tek oña degil, ağlap-sızlap evge kelgen diger qırımtatar balalarına da. Bular qırımtatar halqınıñ reabilitatsiyası aqqında qanun qabul etilgen soñ! Bu qanun böyle etip yerine ketirilemi? Ocalar mektepte balalarımızğa qartbaba-bitaları hin olğanını ayta», – dedi Seytosman Karaliyev.
Diger qart Reşat Seythalilov, qırımtatar qartları narazılıq bildirgenlerini ve ocanıñ işten çıqarılmasını talap etkenlerini ayttı.
Oca Yelena Rudenkonıñ bu vaqia ile bağlı tefsirleri yoq.
