İşğal etilgen Qırımda studentlerni imtianlarnı keçme qarşılığında Rusiye ordusına celpnameler imzalamağa mecbur eteler, dep bildire "QırımSOS" uquq qoruyıcı teşkilât.
"Mevcut olğan malümatqa köre, işğal altındaki Aqmescit universitetiniñ hadimleri, studentlerden birine imtianlarnı yalıñız celpname imzlasa tapşırıp olacağını bildirgenler. Tazyıq sebebinden oğlan bunı qabul etmege mecbur olğan", - dep yazıla bildirmede.
Uquq qoruyıcı teşkilâtnıñ malümatına ökre, bu artıq böyle ilk adise degil eken. Vaziyet halqqa açıqlanmaması içün subetler de yüzme-yüz keçirile eken.
Qırımnıñ 9 yıllıq işğali devamında Rusiye yarımadada 17 qanunsız askerlik kampaniyasını keçirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
