Qırımda studentlerni FPV-dronlarnıñ operatorları kurslarına barmağa çağıralar, dep bildire Ukrayina milliy tirenüv merkezi.
İddialarğa köre, talimler Aqyar civarındaki poligonda keçirile. Oquv bitken soñ iştirakçilerge Rusiye ordusınen añlaşma teklif etile.
''Böyleliknen, rusiyeliler kene zapt etilgen halqlarnı qullanaraq öz imperiya meselelerini çezmege tırışalar ve işğal ordusına zapt etilgen rayonlarnıñ ealisini almağa yasaq etken halqara uquqnı bozalar'', - dep aytıla haberde.
2023 senesi oktâbr ayınıñ soñunda Rusiye akimiyeti "Qırım federal universitetinde" FPV-dronlarnıñ operatorları mektebini açtı. Anda em arbiy, em de vatandaşlarnı ögretecekler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
