İşğal etilgen Qırımda bir künde 47 koronavirus hastası qayd etildi. Bu aqta Kreml kontrolindeki Qırım yolbaşçısı Sergey Aksenov içtimaiy ağlarda yazdı.
«Avgustnıñ 21-nde Qırım Cumhuriyetinde 47 koronavirus hastası qayd etildi. 24-ü tibbiy yardım içün muracaat etkende belli oldı, 16-sı daa evel hastalanğanlarnen alâqada oldı, 7-si sağlam insanlarnıñ skriningi neticesinde belli oldı», – dep yazdı Aksenov.
Qırımda pandemiya başlağanından berli 1957 koronavirus hastası qayd etildi.
1372 insan tüheldi, soñki künde 25 kişi hastahaneden çıqarıldı, 26 kişi vefat etti.
Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
