Qırımda fevralniñ 22-23-ne skandinav tsiklonınıñ suvuq cebesi keçkeninen bağlı bozulacaq ava sebebinden furtuna havfı ilân etildi, dep bildire Qırım gidrometmerkezi.
«Qırımda zor ava şaraitleri beklenile: qarğa keçken küçlü yağmur, bazı yerlerde küçlü yağanaqlar, qar boranı, buzlavuq, klegey buz, cenübiy-ğarbiy yel şimaliy-şarqiy yelge keçip, süratı saniyede 25 metrge qadar artacaq. Fevralniñ 23-nde ava arareti 10-12 derecege eksilecek olacaq, gece -9…-14 derece, kündüz -4…-9 derece olacaq», – dep aytıla haberde.
Daa evel fevralniñ 22-23-nde avanıñ birden suvucağını, qar boranı ve şiddetli şimaliy-şarqiy yel aqqında Qırım gidrometmerkeziniñ yolbaşçısı Tatyana Lübetskaya bildirgen edi.
Hatırlatamız, fevralniñ 18-nde avalar suvudı.
