2023 senesiniñ sentâbr ayından berli Qırımda 3 biñ kişi seferber etildi, dep bildirdi "Suspilne" neşrine Qırımtatar resurs merkeziniñ meneceri Lüdmila Korotkih.
Ekspertniñ qayd etkeni kibi, bir yıl içinde Rusiye arbiy kommisarlıqları episi olıp 60 biñ yerli sakinni seferber etecek edi, amma olarnıñ planı mağlubiyetke oğrağan. Haber etilgeni kibi, RF ordusına 23 biñ adam yollanğan, olardan 20 biñ aqımdaki seneniñ sentâbr ayınace seferber etilgen edi eken.
Korotkihniñ sözlerine köre, seferber etilgenlerden biñ kişi RF Silâlı Quvetleriniñ terkibindeler, daa eki biñ "hususiy şirketlerniñ" sıralarındalar.
Qırımtatar resurs merkezinde haber etkenleri kibi, seferberlikniñ başlamasından berli 60 biñ yarımada sakini celpname alğan, amma plan ömürge keçirilmegen.
"Elimizdeki malümatqa köre, eki biñden çoq adam yarımadanı terk etti. Elbette, bu malümat tolu degil, çünki andan ketken adamlar bunı açıq şekilde er keske bildirmey", - dep qayd etti Korotkih.
Daa o, Rusiye arbiy komissarlıqları celpnamelerni adam çoq olğan yerderde ve hususan qırımtatarlarğa bergenini aytıp berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
