"Sarı şerit" iştirakçileri "Birlikte" Ukrayina destegine aktsiyasını keçirip, ilhaq etilgen Qırımnıñ şeerlerini timsaliy levhalar, graffiti ve sarı şeritlernen yaraştırdılar. Bu aqta areket öz Telegram kanalında bildirdi.
Mütenasip aktsiyalar Aqmescit, Aqyar, Bağçasaray, Kezlev, Yalta, Ermeni Bazar, Keriç ve Sudaqta keçirildi. Bu şeerlerde "Birlik - quvet", "Birlikte biz qırılmazmız", "Ukrayina birdir" şiarları ile yazılar peyda oldı.
"QırımUkrayinadır. Ve bu künü Qırım bütün memleketnen beraber bayram ete", — dep qayd ettiler "Sarı şerit"te.
"Sarı şerit" teşkilâtı — Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areket teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faal ola, hususan Aqmescit, Yalta, Kezlev ve Kefede, soñki vaqıtları ise olarğa küçük şeerlerniñ Simeiz, Balıqlava sakinleri qoşula.
Areketniñ eñ belli aktsiyalarından biri — sarı şeritlerniñ asılması ve yarımadada "Qırım Ukrayinadır" yazısı ile plakatlarnıñ yapıştırılmasıdır. Yaqında faaller Boiko dağında Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
