Qırımda yaqın saatlarda ava bozulacaq. Bu aqta yarımadanıñ gidromettsentri bildire.
«Yaqın 2-3 saatta ve iyünniñ 22-niñ soñuna qadar, bazı yerlerde ise iyünniñ 23-nde de, Qırımda küçlü sağanaq, iri burçaq yağması, bora olması, saniyede 20-25 metr süratınen yel esmesi beklenile», – dep aytıla haberde.
Yaltada küçlü yel sebebinden eki kanat yolu çalışmay.
Tünevin sinoptikler Qırımda cumaertesi künü, iyünniñ 22-nde, sıcaq olacaq, amma Qırımnıñ yalı boyunda ve Keriçte yağmur yağacaq, dep haber etken ediler.
