Aqmescitte yel qoparıp alıp ketken daa bir dam aqqında bildireler. Bu sefer Elevatornaya soqağındaki anbardan dam ketti.
«Krım24» telekanalınıñ bildirgenine köre, bu yerde yol qısmen qapatıldı. Bu sebepten çoq kilometrli maşina tıqanıqlığı peyda oldı. Bu yerde yoldaki tıqanıqlıqlar google-tıqanıqlıqlar hızmetinde de körüne.
Fevralniñ 27-nde aqşam yel Aqmescitte beş qatlı evniñ damını qoparıp aldı. Ondan çoq maşina yıqılğanlar astında qaldı. Kefede küçlü yel altı qatlı evniñ damını qoparıp aldı.
Aqmescitte fevralniñ 26-nda küçlü yel sebebinden tüşkende elektrik tellerini üzgen terekler zarar kördi ve sındırıldı.
Qırımda fevralniñ 28-ne qadar furtuna havfı ilân etildi. Müessise bu künleri deñizge çıqmaq telükeli olğanını qayd etti. Fevqulâde vaziyetler nazirliginiñ malümatına köre, energetikka, mesken-kommunal hızmet obyektlerinde olğan qazalarnen bağlı fevqulâde vaziyetler peyda olması mümkün.
