Link açıqlığı

Rusiye vatandaşlığını qabul etmege istemegen, lâkin bunı Rusiye Migratsion hızmetine bildirmege yetiştirmegen qırımlılar bunı eñ yaqın aftaları devamında yapa bileler. Bu aqqında tanılmağan Qırım Cumhuriyetiniñ yolbaşçı vazifelerini eda etken – Qırımnıñ öz başına tayin etilgen baş naziri Sergey Aksönov bildirdi.

Bunı Qırım «ükümetiniñ» matbuat hızmeti bildire.

«Men bellesem, birisi Rusiye vatandaşlığından vazgeçecek ve ariza yazmağa yetiştirmegen olsa, biz bu müddetni daa eki-üç aftağa arttıracaqmız», – dep ayttı Aksenov.

Onıñ malümatına köre, Qırımda er kün 20 biñ pasport berile.

Yarımada Rusiyege qoşulğan soñ, Ukraina vatandaşları olaraq qalacaq olğan qırımlılar bunıñnen bağlı arizanı aprel 18-ne qadar Rusiye Federal Migratsion hızmetine bermek kerek ediler. Aks alda olar Rusiye vatandaşları olalar. Rusiye pasportını almağa istemegenler Qırımda yaşamaq içün ruhsetnameni almaq kerekler. Olar Qırımda migratsion hızmetine muracaatta bulunıp, 500 ruble miqdarında bergi tölemeliler.
XS
SM
MD
LG