Link açıqlığı

Saatnıñ esas haberi

Qırımda Rusiye tarafdarı faali Eyvaz Ümerov üç yıl apis cezasına mahküm etildi


Eyvaz Ümerov

Qırımtatar Rusiye tarafdarı faal Eyvaz Ümerov "vazifesinden tış çıquv" içün üç yıl apis cezasına mahküm etildi. Bunı Rusiye ve Qırım haber vastaları haber ete.

"O, 286-nci maddeniñ 3-nci qısmına binaen qabaatlandı "Vazifesinden tış çıquv". Cezasını faal umumiy rejim tüzetüv cezahanesinde çekecek. Berilgen malümatqa köre, 2019 senesi Sudaq şeer başınıñ muavini vazifesinde bulunır eken hadimini köteklegen", - dep haber ete "Krım 24".

Şimdilik üküm aqqında resmiy malümat ve Ümerovnıñ izaatları yoq.

Evel Eyvaz Ümerov Qırımnıñ işğal akimiyetiniñ binası ögünde bir kişilik piket keçirgen soñ quvetçiler tarafından tevqif etildi ve yañı yılnı apishanede keçirdi.

Eyvaz Umerov içtimaiy ağdaki saifesinde bildirgenine köre, Qırımnıñ Rusiye yolbaşçısı Sergey Aksenovnıñ mesleatçısı Ervin Musayevge zarar ketirgeni içün noyabrniñ 2-nde Rusiye quvetçileri evini tintti.

Oktâbrniñ 3-nde Eyvaz Umerov Ervin Musayevni «Ukrayinağa qoltutqanında» qabaatlap kötekleşti. Musayev oña «Rusiyege qoltutqanı içün» ücüm etkenler dedi.

Qırımdaki Rusiye polisi Eyvaz Umerovğa qarşı cinaiy dava açtı. Onı «orta seviyeli zarar ketirgeninde» qabaatladılar. «Mash na volne» Telegram kanalınıñ malümatına köre, Musayevniñ mañlayında açıq yaralar bar ve közlügi parçalandı, ekimler miy sarsuvı olğanını qayd etti.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG