Berilgen malümatqa köre, keçken ay devamında işğal etilgen Qırım ile Herson vilâyeti arasındaki sıñırda Rusiyeniñ nezareti astındaki noqtalardan keçken adamlarnıñ ortalama künlük keçişinde bir artma körmek mümkün edi. Böyle şahıslarnıñ sayısı künde 15 biñdir.
Milliy tirenüv merkeziniñ qayd etkeni kibi, duşman Qırımda Tirenüv areketiniñ faaliyetinden ve artqan semerelikten raatsızdır, bu sebepten de o, Ukrayinanıñ gizli areketini aşkâr etmek ve olarğa qarşı küreşmek içün "qarşı istihbarat rejiminini" arttırdı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
