İşğal etilgen Qırımda Rusiye quvetçileri vatandaş jurnalisti İrina Daniloviçni yaqaladılar. Bunı ZMINA insan aqları merkezine Qırımdaki öz menbaları haber etti.
Qayd etilgeni kibi, jurnalistni aprelniñ 29-nda Köktebelden Kefege ketken zaman yaqaladılar. Kefe civarında Vladislavovka köyündeki evinde tintüv olıp keçti, telefonı ve noutbukı tutıp alındı.
"Qararnıñ kopiyasını quvetçiler qaldırmadılar, amma jurnalistniñ tuvğanlarınıñ sözlerine köre, vesiqalarda söz "çetel devlet ile munasebetler ve 10 kün tevqif" aqqında edi", - dep yazıla haberde.
Olarnıñ bildirgenine köre, Danilova emşire olıp çalışa. İiçtimaiy ağlarda saifesi ve bir qaç blogu bar. Bloglarında tibbiyet hadimleriniñ aqları ve yarımdada sağlıq saqlav meseleleri aqqında yaza edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
