Rusiye quvetçileri Qırımda ealige qarşı şiddet qullanıp filtratsiya ve qarşı casuslıq tedbirlerini arttıra. Bunı Ukrayina Silâlı Quvetleriniñ Baş ştabı martnıñ 30-nda haber etti.
"İşğal etilgen Qırım MC bazı meskün yerlerinde Rusiye işğalcileri Ukrayina vatandaşlarına tazyıq köstermege ve insan aqlarını bozmağa devam eteler. Hususan, FSB hadimleri Krasnoperekopskta soyunma, ealini sorğulama ve dögme qullanaraq, aşalayıcı filtratsiya protseduraları ile faal qarşı casuslıq tedbirlerini keçireler", - dep yazıla haberde.
Bu malümatnı cenk şaraitinde mustaqil menbalardan teşkermek imkânsızdır. Rusiye quvetçileri bu malümatnı izaatlamadı.
"Agenstvo" Rusiye neşri Aqmescit SİZO-sında Ukrayinanıñ işğal etilgen topraqlarında Rusiye ordusı ya da mahsus hızmetleri tarafından esir etilgen 50-den 100-ge qadar ukrayin tutulğanı aqqında yazğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
