"Qırım esnasınıñ" ekspertleri keçirgen közetüvlerniñ neticelerine köre, keçken seneniñ mart ayından başlap Qırımda Rusiye ordusınıñ arbiy istilâsı aqqında fikirlerini bildirgen vatandaşlarnı taqip etmege başladılar, soñra ise bu taqiplerni ukrayin duyğularınen küreş aleti olaraq qullanıp başladılar.
Umumen, uquq qoruyıcılar protokollar baqılmağan ya da dava toqtatılğan 37 davanı qayd etti, daa 7-sinde mahkeme esnasları daa keçirilmedi. Qalğan bütün davalarda mahkemeler qabaatlanğan şahıslarnıñ qabaatlı olğanını belgilediler. Qayd etilgenine köre, davalar adaletli mahkeme standartlarınıñ bozuluvı ile devam ete.
Diger tarqalğan bozuvlar arasında - qabaatlanğan şahısqa qarşı şaatlıq etken şahıslarnıñ sorğuğa çekilüvi. Ev çatışmaları neticesinde taraflardan biri digerini Ukrayinağa qol tutqanı içün qabaatlay. Rusiye mahkemesi belgisiz şahıslarnıñ yazılı ifadelerine esaslana, olarnı mahkeme oturışuvına çağırmay ve vaziyetni ögrenmey.
''Aydın misallerden biri, Kezlev şeer mahkemesiniñ üç qararı oldı, er birinde aynı ''itibardan tüşürgen'' alıntı bar edi. Bundan da ğayrı, böyle laflarnıñ yalıñız protokol tizgen politsiya hadiminiñ şaatı olğan vaqialar qayd etile. Dava neticelerinde meraqlanğan polis hadiminiñ protokolnı tizgen şahıs olaraq bildirmesi esasında mahkeme qabaatlav qararını çıqara'', - dep bildire areket.
Bundan da ğayrı, Rusiye mahkemeleri rus tili saasında mütehassıs olmağanından sebep, itibardan tüşürüv ile bağlı davalarnı baqıp, til ekspertizasına emiyet bermeyler.
Ukrayina prezidentiniñ Qırım Muhtar Cumhuriyetindeki temsilcisi Tamıla Taşeva, Rusiye ordusınıñ "areketini aqaretlegen" Qırımda yaşağan ukrayin tarafdarları içün para cezasınıñ umumiy miqdarı 15 million rubleden ziyade ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
