Mayısnıñ 13-nde saba işğal etilgen Qırımda Rusiye quvetçileri 1979 yılı doğma qırımtatar Nazim Muradosilovnıñ evine kelip, onı "subet içün" alıp kettiler. Bunı "Qırım birdemligi" cemaat birleşmesi haber etti.
"Qanun qoruyıcılar eki mikroavtobusnen keldiler. Muradasilovnıñ şimdi qayda olğanını iç kimse bilmey. Soy-sopları bulunğan yerini belgilemek içün artıq advokat ve aq qoruyıcılarğa muracaat ettiler. Erkek bu adres boyunca yaşay: Aqyar şeeri, Balıqlava rayonı, Şirokoye köyü, Gvozdiçnıy aralığı, 2-nci ev", - dep haber etile.
Evel, işğal etilgen Qırımda Canköy sulh mahkemesi imam Emir Mecitovğa namaz keçirmege ruhseti olmağanı içün 20 biñ para cezası berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
