Link açıqlığı

Saatnıñ esas haberi

Qırımda Rusiye quvetçileri eki vatandaşnı «terrorizmni aqlağanları içün» tuttı – FSB


Nümüneviy resim

Rusiye FSBsi bildirgenine köre, Yalta ve Aqyar sakinleri «içtimaiy ağlarda terrorizmni aqlağanları içün» tutuldı. Bu aqta Qırım akimiyetine yaqın olğan «Krıminform» neşiri FSB matbuat hızmetiniñ malümatına esaslanıp bildire.

«Qırım cumhuriyeti ve Aqyardaki Rusiye FSBsiniñ idaresi eki Aqyar ve Yalta sakinini İnternet ağında terrorizmni açıq şekilde aqlağanlarından şçubheli sayıp yaqaladı. 1980 ve 1977 senesi doğma er adamlar gizlenmek içün sahte adlı saifeler qullanıp, içtimaiy ağlarda terror faaliyetini aqlağan malümatnı paylaştı», – dep aytıla haberde.

Qayd etilgenine köre, yaşağan yerlerinde tintüvler keçirildi, tutulğanlar «yasaqlanğan malümatnı» derc etken cep telefonları ve bilgisayarları tutıp alındı.

«FSB idaresiniñ tahqiqat bölügi bu şahıslarğa qarşı Rusiye Ceza kodeksiniñ 205.2 maddesiniñ 2-nci qısmına istinaden (terror faaliyetini kerçekleştirmege çağıruv, terrorizmni açıq şekilde aqlav ya da internet ağında yapılğan terror propagandası) cinaiy davalar açtı», – dep qoştı matbuat hızmeti.

Al-azırda FSB «yaqalanğan insanlarnıñ diger cinayetlernen alâqaları barmı» dep teşkere.

Olar yedi yılğa qadar azatlıqtan marum etile.

FSB, cinaiy dava mabüsleriniñ adlarını aydınlatmay. Tutulğanlar ya da imayecileriniñ açıq izaatları yoq.

XS
SM
MD
LG