Qırımda RF ordusınıñ "diskreditatsiyası" maddesine istinaden açılğan memuriy davalarnıñ sayısı 1600-den ziyade oldı, dep haber etile Ukrayina prezidentiniñ Qırım Muhtar Cumhuriyetindeki Temsilciliginiñ malümatında.
"Rusiye Federatsiyası Memuriy cinayetler kodeksiniñ 20.3.3 maddesine istinaden vaqtınca işğal etilgen Qırım territoriyasında "Rusiye Federatsiyası Silâlı quvetleriniñ itibardan tüşürilüvi" aqqında 1602 dava qayd etildi. 1486 dava boyunca para cezaları berilmesi ya da davalar birleştirilüvi aqqında qarar alındı. 24 dava daa devam ete. Qararlarnıñ 52% (777) qadınlarnen bağlı, 48% (707) erkeklernen bağlı", — dep aytıla haberde.
Daa evel müessise, orta küz ayınıñ 7-ne qadar işğal etilgen Qırımda RF ordusınıñ "diskreditatsiyası" maddesine istinaden 1585 memuriy dava açılğanını bildirgen edi.
