''Rusiye ordusınıñ itibardan tüşürilmesi içün mesüliyetlik aqqında Rusiye qanunlarınıñ qaidesi farqlı fikirlerni ve qarşılıqnı bastırmaq aleti'', - dep tüşüne ''QırımSOS'' talilcisi Yevgen Yaroşenko.
Eñ azından 52 qarar 2024 senesiniñ başından - yanvar ve fevral ayları devamında çıqarıldı. 2024 senesiniñ başından berli Rusiye ordusını itibardan tüşürme qararlarınıñ sayısına köre rekordçısı - Rusiye Federatsiyasınıñ Ermeni şeer mahkemesidir. O, RF ordusınıñ "diskreditatsiyası" aqqında 18 qarar çıqardı.
''QırımSOS''ta qayd ettiler ki, bir yıl içinde bir insan bu dava boyunca ekinci kere memuriy mesüliyetke çekilse, cinaiy mesüliyetke çekile. Rusiye ordusı aqqında "sahte" malümatnı tarqatqanlar cinaiy mesüliyetke çekilgen soñ Rusiye Federatsiyasınıñ Ceza kodeksiniñ 207.3 maddesi boyunca tam miqyaslı cenk başlağanından berli eki üküm çıqarıldı. İnsan Rusiye-Ukrayina cenki aqqında malümat tarqatqanı ya da Kremlniñ noqta-i nazarına zıt kelgen er angi fikir bildirgeni içün taqip etile bile.
Bundan da ğayrı, eki yıl içinde Qırımdaki "mahkemeler" Rusiye ordusını tekrar itibardan tüşürüv maddesine istinaden 6 cinaiy iş boyunca üküm çıqardı (Rusiye Federatsiyasınıñ Ceza kodeksiniñ 280.3 maddesi).
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
