Yarım biñden ziyade qararnıñ 54-i bu sene dekabr ayında çıqarıldı: noyabr ayına baqqanda 16-ğa çoq, o vaqıt "mahkeme"ler 38 qarar qabul etken edi. Bütün vaqıt içinde eñ çoq qararlarnı Kiyev rayon mahkemesi çıqardı. Aqmescit (91), Kezlev şeer mahkemesi (52), Kefe şeer mahkemesi (43), Yalta şeer mahkemesi (43) ve Ermeni Bazar şeer mahkemesi (35).
Talilciniñ aytqanına köre, bu, hususan, Qırım sakinleriniñ bir qısmı ukrayin şeerlerine endirilgen raketa darbelerini takbih etkeni ve işğal etilgen yarımadada Rusiye arbiy obyektlerine yapılğan muvafaqiyetli darbelerden soñ cemaatnıñ basqısı sebebinden ola bile.
Hatırlatamız, 2022 senesi martnıñ 4-nden 2023 senesi dekabrniñ 31-ne qadar Qırımda "mahkeme"ler Rusiye ordusınıñ tekrar itibardan tüşürüv maddesi ile cinaiy davalarda 6 üküm çıqardı (Rusiye Federatsiyası Ceza qanunnamesiniñ 280.3 maddesi). Olardan üçü 1,5 yılğa qadar apis cezasını közde tuta edi.
2022 senesi martnıñ 4-nde Rusiye deputatları "Rusiye Federatsiyasınıñ silâlı quvetlerini itibardan tüşürüv" içün memuriy ve cinaiy mesüliyetlik aqqında qanunğa deñişmelerni qabul ettiler. O vaqıttan berli Rusiye bu qanunnı Ukrayinağa qoltutqan ve cenkke qarşı çıqqan insanlarnı taqip etmek içün qullana.
"Qırım esnasınıñ" ekspertleri daa evel bildirgenine köre, dekabrniñ 28-ne qadar Qırımda Rusiye quvetçileri tarafından Memuriy uquq bozuvları qanunnamesiniñ 20.3.3 maddesine istinaden 590 memuriy protokol tizildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
