İlhaq etilgen Qırımda Rusiye Federatsiyasınıñ Memuriy hızmetiniñ 12-nci idaresiniñ nomeraları ile arbiy yük maşinalarınıñ areket etmesi qayd etildi. Bu aqta Qırım.Aqiqatqa şaatlar bildirdi .
Qayd etilgenine köre, böyle maşinalar Keriç ve Keriç yarımadasınıñ yollarında köründi.
Rusiye Silâlı quvetleriniñ naqliyat vastalarınıñ cedvelindeki raqam kodlarına köre, 12-nci idare maşnaları 39 kodınen belgilene.
RF Mudafaa nazirliginiñ on ekinci Baş idaresi özek silâsını saqlav, qullanuv ve hızmet etüvnen oğraşa. Onıñ terkibine başqa memleketlerde özek sınavlarını nezaret etken Mahsus nezaret hızmeti de kire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
