Rusiyeniñ nezaretinde olğan Kiyev rayon mahkemesi işğal etilgen Geniçeskte qaçırılğan Ukrayina Arbiy deñiz quvetleriniñ "Slavutiç" istihbarat gemisiniñ sabıq komandanı Oleksiy Kısılevnıñ apis müddetini eki ayğa uzattırdı. Kısılev Rusiye quvetçileri tarafından yaqlanğan soñ sağlığı ile peyda olğan qıyınlıqlarnı çekmege devam ete.
Bunıñ aqqında Qırım.Aqiqatqa onıñ yaqınları haber etti. Olarnıñ sözlerine köre, tutulğan zaman oñan qarşı küç qullanğan soñ sağ qolu alâ daa "çalışmay", sol qolunen de çekişe.
"Anda (Aqmescit SİZO-sında – QA) onlan bir şey yazğanını istediler, o, çoq vaqıt qalem qolunda tutmaq qıyn olğanını aytqan", - dediler yaqınları.
Şimdi Kısılev ile alâqa onıñ advokatı Aleksey Ladin vastasınen ömürge keçirile. Tuvğanlarında mevcut olğan malümatq qore, al-azırda oña bir qarar davrana ekenler.
İşğal etilgen Geniçeskte qaçırılğan Ukrayina Arbiy deñiz quvetleriniñ "Slavutiç" istihbarat gemisiniñ sabıq komandanı Oleksiy Kısılev Rusiye quvetçileri tarafından elektrik aqımı ile iskencelerge oğratılğan. Bunı advokatı Aleksey Ladin bildirgen edi.
Rusiye quvetçileri Qırımda Ukrayina Arbiy deñiz quvetleriniñ "Slavutiç" keşfiyat gemisiniñ keçmiş komandanı Oleksiy Kısılevnı Rusiyede yasaq etilgen ve terroristik sayılğan Noman Çelebicihan adına göñülli qırımtatar batalyonında iştirak etüv ile qabaatlap, qaçırdılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
