"İşğalciler Qırımnıñ vatandaş ealisini canlı qalqan olaraq qullanmağa devam eteler. Hususan, arbiy vertolötlar mesken evlerniñ yanındaki boş yerlerde tura", — dep aytalar Ukrayina prezidentiniñ temsilciliginde.
Bundan da ğayrı, ukrayin müessisesi, "Canköy rayonınıñ köylerinde ve meskün yerlerniñ civarında duşman zenit-raketa kompleksleri yerleştirilgenini" bile. Muarririyetniñ Ukrayina prezidentiniñ QMC temsilciliginiñ beyanatlarına dair delilleri yoq.
İyünniñ soñunda Ukrayina milliy tirenüv merkezi, Rusiye ordusı Qırımdaki arbiy obyektlerni Ukrayina ücümlerini toqtatmaq içün vatandaş rayonları yanında yerleştire, dep bildirgen edi. Diger şeylernen beraber, RF öz arbiylerini mekteplerde, hastahanelerde ve diger cemaat müessiselerinde yerleştirgenini iddia ete ediler.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
