Qırımdan Rusiye arbiyi devlet hainligi içün 15 yıl apis cezasına mahküm etile bile, dep bildire Qırım MC Prokuraturasınıñ matbuat hızmeti.
Haber etilgeni kibi, 24 yaşındaki Ukrayina vatandaşı 2021 senesi muqavele tizgen ve RF silâlı quveteleri sıralarına qoşulğan. Rusiye büyük cenkni başlatqan soñ ise Herson ve Mıkolayiv vilâyetlerinde duşmannıñ "vazifelerini ömürge" keçire edi.
Neticede arbiy esirlikke tüşti. Şimdilik o tevqif etilgen.
Evel Ukrayina Telükesizlik hızmeti al-azırda Qırımda tirenüv areketini bastırmağa tırışqan sabıq ukrayin yüksek rutbeli şahıslarğa şübe aqqında bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
