Qırımda Rusiye arbiy tehnikasınıñ avuştırıluvı qayd etildi. Qırım.Aqiqatqa şaatlar bildirgenine köre, arbiy maşnalarnıñ büyük kolonnası "Tavrida" trassası boyunca Keriçten qıtaiy Ukrayinağa doğru areket ete edi.
Şaatlarnıñ bildirgenine köre, kolonnada tahminen 30 arbiy yük maşnası bar edi.
Ananeviy "V" ve "Z" işaretlerinden ğayrı, Rusiye arbiy yük maşnalarınıñ kabinalarında üçköşelik işareti peyda oldı, dep qayd ete şaatlar.
Ukrayina telükesizlik hızmetiniñ yolbaşçısı Vasıl Malük ICTV ukrayin telekanalına bergen intervyüsında Rusiye öz ordusını silâ ile temin etmek içün Keriç köprüni artıq qullanmay, dep bildirdi.
Rusiye arbiyleri "Tavrida" yolunı Ukrayina cenübiy cebesine arbiy resurslarnı ve canlı küçni yollamaq içün qullana. Qırım.Aqiqat, Rusiyeniñ Ukrayinağa istilâsı başlağanından berli bu yolda Rusiye arbiy tehnikasınıñ areket etkenini qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
