Qırımnıñ işğal parlamenti qanunlarğa deñişmeler kirsetti, olarğa köre "mahsus arbiy operatsiyasınıñ" Qırımdan olğan iştirakçilerine bedava topraq berilecek. Bunıñ aqqında parlamentniñ resmiy saytında haber etile.
"Eger rusiye arbiyi ölse, topraq aile azalarına berilecek", - dedi Konstantinov.
Onıñ sözlerine köre, 2022 senesi fevralniñ 24-de Qırım territoriyasında daimiy qaydiyeti olğan "mahsus operatsiya" iştirakçileri topraqqa iddia ete bilir.
Konstantinov, arazilerniñ "devlet mülkiyeti" topraqlarından ayırılacağını bildirdi.
Evel Aqyarnıñ işğal yolbaşçsı Mihail Razvojayev "mahsus operatsiyanıñ" iştirakçilerine biñge qadar bedava topraq berilmesini vade etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
