2022 senesi küzde Rusiye ordusına "seferberlik" vaqtında Qırımnıñ bazı meskün yerlerinde celpnamelerniñ yüzde 90-ı qırımtatarlarğa berilgen. Bunı "QırımSOS" uquq qoruyıcı teşkilâtınıñ reberi Oleksiy Tılnenko bildirdi.
"Rusiyeniñ Qırımda keçirgeni seferberlik çerçivesinde celpnameler mütenasip olmağan çoq sayıda bu meskün yerleriniñ qavmiy terkibiniñ böyle bir netice beklememesine baqmadan tamam qırımtatarlarğa berildi", - dedi o.
Oleksiy Tılnenkonıñ bildirgenine köre, Qırımda Rusiye akimiyeti tarafından taqip etilgen 150 qurbandan 110-dan ziyadesi qırımtatarlardır.
"Bugünde Qırımdaki siyasiy mabsülerniñ mutlaq çoqluğınıñ qırımtatarlar olğanını tasdıqlay bilem. 150-den 110-dan ziyadesi qırımtatarlardır", - dep qayd etti Tılnenko.
Evel QırımSOS" uquq qoruyıcı teşkilâtınıñ reberi Oleksiy Tılnenko Rusiyeniñ Aqmescit şeerindeki 1-nci tahqiqat tevqifhanesinde siyasiy motivli davalar ile Rusiye quvetçileri tarafından tutulğan qırımtatarlar dinlerine köre zulumğa oğratılğanını bildirgen edi.
Ukrayina Ombudsmanı Dmıtro Lubinetsniñ soñki malümatına köre, Rusiyede qanunsız sürette 180 qırımlı siyasiy mabüsni tutula, olardan 116 qırımtatardır.
Bu seneniñ fevral ayında Rusiye apsinde eki qırımlı siyasiy mabüs öldi – Konstantin Şiring ve Cemil Gafarov.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
