Link açıqlığı

Saatnıñ esas haberi

Qırımda repostlar içün qabaatlanğan Mamedovanı Rusiye "ekstremistler cedvelin"nden çıqardılar


Elina Mamedova
Elina Mamedova

Yalta sakini Elina Mamedova aqqında malümat rusiye “Terorcı ve ekstremistler cedveli”nde çıqarıldı.

Bu haber Rosfinmonitoring saytında derc etildi.

Qız bir qaç repost içün milletlerara zıddiyet çıqaruvda qabaatlanğan edi.

Elina Mamedovanıñ cinaiy davası yanvar 17-sinde qapatıldı.

Yanvar 9-ında o, davada cinayet terkibi olmağanı icün, Rusiye Cinaiy kodeksiniñ 282 maddesiniñ 1-inci qısmı köre qabaatlanğan Mamedovanıñ cinaiy taqipniñ toqtatılması aqqında muracaat etti.Yanvarniñ 11-inde Agzagov bu qararnı çıqardı.

Daa evel Qırım uquq qorçalayıcı gruppasında, Rusiye mahkemeleri «içtimaiy ağlarda ekstremizm» içün üküm çıqarğan qırımlılar, Rusiye prezidenti Vladimir Putin«Rusiye Federatsiyası Ceza kodeksiniñ 282-nci maddesine deñişmeler kirsetilmesine dair» qanunnı imzalağan soñ, davanıñ tekrar baqılmasını talap ete bile, dep qayd etti.

Mamedovağa qarşı Rusiye Ceza kodeksiniñ 282-nci maddesiniñ 1-inci qısmı boyunca «VKontakte» içtimaiy ağında 2014 ve 2015 seneleri paylaşqanları içün cinaiy iş açıldı.

Qırımda ilhaqtan soñ rusiye quvetçileri, faalci ve jurnalistlerni ekstremizm maddesinen sebeplenip tutıp ala ve tevfiq ete. 282 maddeni çoqusı allarda içtimaiy ağlardaki layk ve repostlar, internette fikir isbatlav içün qabaatlap qullanalar.

İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.

XS
SM
MD
LG