Qırımda Keriç köpründe naqliyat areketi toqtatıldı, Aqyarda ise deñiz ve qarada yolcu naqliyatı çalışmay.
Rusiye monitoring telegram kanalları Qırım yarımadasında aviatsiya ve raketa telükesi aqqında bildire. Aqyarnıñ Rusiye yolbaşçısı Mihail Razvojayev şeerde ava telükesi ilân etilgenini bildirdi.
Официальных сообщений Минобороны РФ по этому поводу пока нет.
Saat 11:17 Razvojayev Aqyarda ava telükesi lâğu etilgeni aqqında haber etti. Rusiye akimiyeti Keriç köpründe naqliyat areketi açıq olğanı aqqında bildirdi
Avgustnıñ 20-nde Rusiye Mudafaa nazirligi Qırımğa eki uçucısız uçaq ile ücüm etilgenini bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
