Rusiye Qırımda qanunsız surette 180 Ukrayina vatandaşını yaqaladı, dep bildirdiler Prezidentniñ Qırım MC daimiy temsilciliginde.
Olardan 117-si qırımtatardır. Siyasiy mabüslerniñ umumiy sayısından 24-ü tevqif etilgen, 138-ne üküm çıqarılğan, 18-iniñ statusı belli degil.
"Vaqtınca işğal etilgen Qırımda sözde "mahkemeler" tarafından 20.3.3. maddesi boyunca materiallarnıñ qabulı ile bağlı 448 fakt qayd etilgen. Olardan 382 boyunca para cezası berilgen, 12 dava boyunca materiallarnıñ baqıluvı devam ete, 37 alda materiallar "olarnı başlatqan organğa" qaytarılğan", - dep yazıla bildirmede.
Yaqında Aluştada akvaparknıñ üç hadimi yaqalanğan edi. Sebep ukrayin yırlarını diñlep oynağanları oldı. "Rusiye ordısın itibardan tüşürüv" içün olar 15 biñ ruble para cezasına mahküm etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
