Rusiye nezaretindeki Qırım İçki İşler Nazirliginde (İİN), öz maşnasında sanki qanunsız adam yürgüzmesini becergen çetel adamını tutıp alğanları aqqında bildireler.
"Qomşu devletniñ vatandaşı qanunsız iş faaliyetini becergeni belli oldı. 29 yaşındaki çetel adamı, kerekli vesiqalarsız adam yürgüzmesinen oğraşa edi", - denile müessiseniñ beyanatında.
Qırım İİN-niñ malümatına köre, Aqmescitniñ Jeleznodorojnıy rayonı mahkemesiniñ mahkemecisi, aqayğa "memuriy quvulma" ile 5000 rublelik para ödetti.
Tutulğan aydavcınıñ adı ve soyadı, em de vatandaşlığı bildirilmey, onıñ tefsirleri yoq.
Rusiye nezaretindeki Qırım başı Sergey Aksönov, "yarımada avtomobil yolcu taşımasınıñ yarısından çoqu qanunsız", - dep aytqan edi. Qırımnıñ rusiyeli akimiyeti, iyülniñ 25-inece qanuniyleştirmek içün vaqıt bergen edi, ondan soñ kütleviy teşkerüvlerni ilân etti.
