Ukrayina devlet müessisesinde bildirgenlerine köre, Rusiye müzeyleri muntazam sürette sergiler, lektsiyalar ve tasil programmalarını keçire, olarnıñ maqsadı — ukrayin müzeyleriniñ Rusiye medeniy alanına integratsiyası ve ilhaqnıñ qanuniyleştirüvidir.
Bundan da ğayrı, müessise, ilhaq etilgen Ukrayina topraqlarında medeniy degerliklerniñ hırsızlanmasına yardım etken ve teşviqat faaliyetine alâqası olğan 14 rusiyeli müzey hadiminiñ cedvelini derc etti.
İştirak etkenler arasında:
- İrina Jukova — Bütünrusiye tarihiy-etnografik müzeyiniñ müdiri, işğal etilgen topraqlarda teşviqat sergileriniñ teşkilâtçısı.
- Aleksandr Şkolnık — 2023 senesi işğal etilgen Donetsk müzeycilerine Rusiye tarihınıñ ögrenilmesi usullarını ögretken Ulu Vatan cenki müzeyiniñ müdiri.
- Sergey Narışkin — RF tış istihbarat hızmetiniñ yolbaşçısı, "Vatan tarihı" fondunıñ ve Ukrayinanıñ işğal etilgen topraqlarında filialları olğan Rusiye tarihiy cemiyetiniñ yolbaşçısı.
Kiçik ayda Ukrayina prezidenti Volodımır Zelenskıy, Qırımdaki Rusiye erbapları ve institutlarına qarşı sanktsiyalarnı tasdıqladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
