Qırımnıñ Yedi Quyu (Dere Salın) köyünde qadın trenniñ köpçekleri altında can berdi, dep bildirdi mayısnıñ 24-nde ilhaq etilgen yarımadanıñ Rusiye Fevqulâde vaziyetler nazirliginiñ naqliyat idaresiniñ matbuat hızmeti, dep haber ete Qırım kütleviy haber vastaları.
Berilgen malümatqa köre, facia yarı gecege yaqın oldı.
«Dizelli lokomotiv yürip, demiryol qatarını toplay edi. Qadın onı izin berilgen yerden keçmeyip, vagon altından keçmege istedi. Keçkende ise üstüne köpçek çifti çıqtı. Sağ qalmaycaq yaralar aldı», – dep bildirdi matbuat hızmeti.
Daa evel Aqmescit-Pribrejnaya demiryol köısmında Howo yük maşinası drezina ile çatıştı, neticede aydavcı ve eki yolcu zarar kördi.
