Qırımda qırsızlanğan vatandaş jurnalisti İrına Danilovıç Aqmescit SİZO-sında tutulğanı aqqında malümat resmiy tasdıqlandı. Bunı Qırım.Aqiqatqa advokat Ayder Azamatov bildirdi.
Onıñ malümatına köre, Danilovıç aqqında malümatnı Aqmescit SİZO-sındaki kartotekada tapqanlar.
Advokat, izolâtorğa İrına Danılovıç içün yollanma qabul etkenlerini bildirdi, bu ise öz nevbetinde anda bulunğanı aqqında malümatnı tasdıqlay bilir.
Qırım.Aqiqat mühbiriniñ malümatına köre, bugünde Danilovıç ile körüşmege qısmet olmağan, amma oña qarşı dava açılğanı artıq belli. Nenen jurnavlistni qabaatlaylar ve 12 kün ne yerde bulunğanı şimdilik belli degil.
Vatandaş jurnalisti İrına Danilovıç hırsızlanğan video Köktebel çıqışındaki yaqarlıq stantsiyasından birinde tapıldı. Bu aqta Qırım.Aqiqat mühbirine babası Bronislav Danilovıç bildirdi.
Hatırlatamız, İrına Danilovıç aprelniñ 29-nda ğayıp oldı ve bugünge qadar bulunğan yeri, uquqiy statusı belli degil. O künü yaşağan evinde FSB hadimleri tintüv keçirgende bir sıra bozuv yaptı.
İrına Danilovıç emşire olıp çalışa ve içtimaiy ağlarda saifesi ve bir qaç bloger saifesi bar. Anda işğal etilgen yarımadadaki tibbiyet hadimleriniñ aqları ve sağlıq problemlerinen bağlı yazılar paylaşa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
