Qırımnıñ Seyitler rayonında Rusiye politsiyası qırımtatarlarnı 2020 senesi mayısnıñ 1-nden 5-ne qadar qanunsız aktsiyalarda iştirak etmek yasaq ola, dep tenbiley.
«Qırım birdemligi» cemaat birleşmesi bildirgenine köre, böyle vesiqalar onlarnen qırımtatarına berildi, olarnıñ arasında eki «Qırım birdemliginiñ» faali, Qırım ve Moskvada bir kişilik narazılıq aktsiyalarında iştirak etken üç insan bar.
Berilgen malümatqa köre, politsiya hadimleri er şeyni videoğa qayd etti. Vesiqanı prokuratura hadimi oqudı.
2019 senesi dekabrniñ 6-nda Qırımtatar Milliy Meclisiniñ reisi Refat Çubarov «Dünya – zorbalıq ve işğalge qarşı. Menlik yürüşi» halqara zorbalıqsız barışıq aktsiyası azırlana ve keçirilecek, dep ilân etti. Aktsiya vaqtında faller memuriy sıñırdan keçip, Qırımğa kirecek ola. Aktsiya mayısnıñ 3-nde keçirilecektir.
Çubarov, Kreml, «Qırım yürüşi» arfesinde qırımtatarlarnı qorquzmağa tırışa, dep ayta.
Rusiye Tış işler nazirligi, Qırımtatar Milliy Meclisi ilân etken «Qırım yürüşi» aktsiyasını «provokatsiya» dep adlandırdı.
