Qırımda Luğatçıq qırımtatar tiliniñ elektron luğat qullanımını işletkenler. Bu aqta ğaye müellifi Ayder Acivapov Qırım.Aqiqatqa bildirdi.
«Maqsat – er bir qırımtatarına ve başqalarğa kerek olğan sözni tez ve qolay tapmağa imkân bermektir», – dedi Acivapov Crimean Tatars resursına izaat berip.
Luğatta tahminen 45 biñ qırımtatar sözü ve 6 mln söz şekli bar. Rusçadan qırımtatarcağa ve aksine tercime ete. Qullanım bilgisayarda qullanıla ya da cep telefonına qoyula bile.
Ayder Acivapovnıñ bildirgenine köre, luğat üzerinde iş bir buçuq yıldan çoq devam etti.
«Saytqa kirip, kerekli söz tapamağan insan yarın açıp, onı mıtlaq tapar, çünki yarın bu söz qoşulacaq. Keri bağlanuv sistemasını yaptıq, insanlar hatalar aqqında bildire bile», – dedi o.
2018 senesi fevral ayında Qırımda luğatçı Seyran Useinovnıñ müellifligi altında rusça-qırımtatarca luğatınıñ ilk cıltı çıqqan edi.
