Yanvarniñ 12-nde işğal etilgen Qırımda 84 yaşında qırımtatar milliy areketiniñ veteranı, SSCB zamanınıñ siyasiy mabüsi, qırımtatar halqı Qurultayınıñ delegatı Arsen Alçikov vefat etti. Bunı Qırımtatar Milliy Meclisiniñ reisi Refat Çubarov bildirdi.
Alçikov 1941 senesi Aluşta rayonınıñ Şuma köyünde doğdı. Üç yaşında olğanda qorantasınen beraber Qırımdan sürgün etildi. 1967 senesi Taşkentte olıp keçken "on ekiler" esnasında qadını Tamara Kontuganskaya ile beraber maküm etildi.
1975 senesi Alçikov Qırımğa qayttı, anda basqılar ve taqiplerge oğradı. Sovetler Birliginiñ dağılmasınen bir vaqıt kelgen qırımtatar halqınıñ vatanına kütleviy şekilde qaytması yıllarında Alçikov qırımtatar gençleriniñ reberlerinden biri oldı, dep qayd ete Çubarov.
"Alçikov 2014 senesi fevral ayında Qırım Rusiye tarafından işğal etilgen soñ da halqına ve Vatanına sadıq qaldı", — dep qoştı Meclis reisi.
Cenaze namazı ve Alçikovnen vedalaşuv yanvarniñ 13-nde saat 12:00-da Aqmescit rayonınıñ Krasnovka köyünde (Mazanka yanında) olacaq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.