Rusiye tarafından işğal etilgen Qırımda "Qırım cenkâver çağalaları" yañı yerastı tirenüv areketi peyda olğan. Bunı Ukrayina prezidentiniñ Qırım MC-deki daimiy temsilciligi haber ete.
Tirenüv areketiniñ azaları "işğalcilerni işğal yıllarında yapqan cinayetleriniñ cezalandırılması qaçınılmaz olğanı mevzusında tenbileyler".
"Qırım cenkâver çağalaları" "Qırım pamuğı mevsimi, qaç, moskal" yazısı ve pamuq resminen ve Sergey Aksönovnıñ (Qırımnıñ Rusiye yolbaşçısı - QA) goblin sıfatından resmi ve "Qaç, goblin, qaç" yazısınen plakatlar darqattılar".
Sentâbrniñ başında Qırım ve Aqyarda yarımadanıñ Ukrayina Silâlı Quvetleri tarafından işğalden azat etilmesine azırlanmaq çağıruvlarnen bildirmeler darqatılğan edi. Bildimelerde "Keriç, Ukrayina yaqındır", "Ayatıñıznı saqlañız, tahliye etiñiz. Qırım Ukrayinadır", "Azırlanıñız. Qırım Ukrayinadır", "Yalta Ukrayinadır" yazılğan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
