Rusiye kontrolindeki Aqmescitniñ Merkeziy rayon mahkemesi Canköy rayonında yaşağan «Qırım birdemliginiñ» koordinatorı Ablâmit Ziyadinovğa mahkeme oturışuvına çağıra. Bu aqta Ablâmitov «Qırım birdemligine» tarif etti.
Memuriy bozuv dava malümatları politsiya tarafından tekrar mahkemege berildi. Uquq qoruyıcı organlarınıñ hadimleri aytqanına köre, noyabrniñ 3-nde Grani.ru neşiri ve «Qırım birdemliginiñ» mühbiri 2020 senesi aprelniñ 1-nde Rusiye Memuriy bozuvlar kodeksine kirsetilgen Rusiye Memuriy bozuv kodeksiniñ 20.6.1 maddesine istinaden (Fevqulâde vaziyetler vaziyetinde ya da olma telükesinde areket qaidelerine riayet etmeme) özüni izolâtsiya etüv rejimini bozdı.
«Tam eki ay evelsi, noyabrniñ 3-nde, Aqmescitte mahkeme binası yanında Vilen Temeryanovnen beraber tutuldım. Bu ükümge iş vazifelerimni yapmaq içün ketken edim, çünki mühbir olam, bu vaqialarnı aydınlatacaq edim. Bizni politsiya bölügine ketirgenler, tahminen 6 saat tutqanlar. Aqlarımız bozuldı, protokollar tizilgende yardım etecek advokatlar kirsetilmedi», – dep izaatladı Ablâmitov.
Noyabrniñ 3-nde «Qırım birdemliginiñ» mühbirleri Ablâmit Ziyadinov ve Vilen Temeryanov Rusiye kontrolindeki Qırım garnizon arbiy mahkemesiniñ binası ögünde tutulğan edi. Anda «Hizb ut-Tahrir davasınıñ» mabüsleri Arsen Abhairov, Rustem Emiruseinov ve Eskender Abdulganiyevniñ ükümlerinen bağlı qol tutuv aktsiyasını aydınlatmağa kelgen ediler. O künü mabüsler büyük apis cezalarına üküm etildi. Mühbirlernen beraber faal Erfan Bekirov da tutuldı, o, mahkemege siyasiy mabüslerge qol tutmağa kelgen edi. Ziyadinov ve Temeryanovnıñ matbuat kartları ve muarririyet vazifeleri bar edi.
2020 senesi dekabrniñ 30-nda Rusiye kontrolindeki Aqmescitniñ Merkeziy rayon mahkemesi cemaat jurnalisti Vilen Temeryanovnıñ davası boyunca tahqiqatnı bozuvlar qayd etilmegeni içün toqtattı.
Dekabrniñ 28-nde «Qırım birdemliginiñ» faalleri bildirgenine köre, Rusiye politsiyasınıñ hadimleri Temeryanovnı «iş maşinasına mindirip, evden alıp ketkenler». O künü onı mahküm etmege tırışqanlar, amma neticede oturışuv başqa künge qaldırıldı.
Qırım Muhtar Cumhuriyeti ve Aqyar prokuraturası Temeryanovnıñ «qanunsız şekilde azatlıqtan marum etilgeni sebebinden» cinaiy tahqiqat başlattı.
