İslâm Terek rayonınıñ sakini içtimaiy ağlardaki saifelerinde RF ordusını "itibardan tüşürgen" yazıları içün tevqif ve para cezasına mahküm etilgen. Bunı Qırım işğal İİN telegram kanalında haber etile.
"Krımskiy.SMERŞ" telegram kanalı iddia etkeni kibi, erkek içtimaiy ağlarda RF, Rusiye prezidenti ve ordusını "aqaret etken".
Qırım işğal İİN-niñ bildirgeni kibi, erkekke qarşı üç idariy protokol tizilgen: "natsist timsalleriniñ propagandası ya da açıq şekilde numayış etilmesi", "RF ordusını açıq şekilde itibardan tüşürüv", "çapqınlıq".
İslâm Terek rayonınıñ mahkemesi 90 biñ ruble para cezasını ve 13 kün idariy tevqifni tayin etti.
«Rusiye ordusını itibardan tüşürüv» maddesi Rusiye qanunlarında 2022 senesi martnıñ 4-nde peyda oldı, Rusiyeniñ Ukrayinağa qarşı büyük istilâsını başlatqan ilk künleri edi. Qırımda Rusiye ordusını itibardan tüşürüv sebebinden taqipler bitmey. Qırımdaki Rusiye akimiyeti insanlar bir-birini çaqsın dep areket ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
