Rusiye tarafından ilhaq etilgen Qırımda qurğaqlıq ve yüksek sıcaqlıq sebebinden suv obyektleriniñ toluvı fenalaşa. Bazı kiçik özenler endi qurudı, daa büyükleri az qala qurucaq, dep haber ete Qırım.Aqiqat mühbiri.
Qarasuvbazar rayonında Büyük-Qarasuv özeniniñ baş aqımı Tanasuv özeniniñ suvu bayağı azlaştı.
"Suv vaziyeti fenalaşa. Misal içün, Tanasuv özeniniñ suvu endi qurudı, daa kiçik özenler ise endi qurudı. Şimdilik Qırımnıñ Rusiye akimiyeti suv yeter, dep vade ete, lâkin kerçekte suv yedekleri beklenilgeninden daa tez tükene. Közetüvlerime köre, dağ eteginde çeşmelerniñ derecesi tez tüşe, demek ki, tezden cenübiy yalı özenleri de bayağı azlaşacaq. Yaznıñ sıcaq ve quru olacağı ümüt beklenile, demek ki, Qırımda suv qıtlığı yaramay tahminlerden daa evel olacaqtır", — dep tarif etti Qırım.Aqiqatqa Qarasuvbazar şeerinden yerli mütehassıs, onıñ soyadını muarririyet telükesizlik sebeplerinden aytmay.
Qarasuvbazar suv anbarında suv seviyesi tüşmege devam ete.
Aynı zamanda Qarasuvbazar ve Taygan suv anbarlarından Büyük Qarasuv özenine suvnıñ intensiv tökülmesi devam ete. Özen şimdilik bayağı tolu körüne. Rusiye akimiyeti Cenübiy-Şarqiy Qırımnı suvnen temin etken Şimaliy-Qırım kanalını toldurmaq içün bunı yapmağa mecbur.
Amma Büyük-Qarasuvnıñ suv tolulığınıñ fiyatı yüksek — Taygan suv anbarı da saylaşmağa başladı, anda suv seviyesi tüşkeni içün ada peyda oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
