İşğal etilgen Qırımda öz azbarında "Ukrayina aqqında laf etken" yerli sakinni yaqaladılar, dep bildire Rusiyenş desteklegen Aleksandr Talipovnıñ "Krımskiy Smerş" telegram kanalı.
Qayd etilgenine köre, erkek qomşuları ile Ukrayina mevzusında munaqaşalar teşkil etti, olarnıñ devamında Rusiye prezidentiniñ siyasetine qarşılıq bildirip, ordunı aqaretlegen.
"Krımskiy Smerş"niñ bildirgenine köre, onıñ evinde "ukrayin timsalleri" ve patronlar tapıldı. Meclisniñ malümatına köre, "cinayet davasınıñ açılması meselesi" çezilmekte.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qol tutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar tutula ve Rusiye ordusınıñ "areketini yaramaylaştırğanı" içün memuriy ve cinaiy mesüliyetke çekile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
