Bu oquv yılı Qırım talebeleri içün "birinci çan" sentâbrniñ ekisinde yanğıracaq. Bunı Rusiye nezaretindeki Qırım Tasil Nazirliginiñ matbuat hızmeti bildire.
"Qırım cumhuriyetiniñ tasil müessiseleriniñ 2019/2020 oquv yılına azırlığınıñ teşkerüvi, avgust 20-sinde yekünlendi. 544 orta tasil müessisesi qabul olundı, olardan 522 - mektep, 16 internat şekilli devlet orta tasil müessise ve 6 şahsiy mektep", - dep bildirdile Tasil Nazirliginde.
Müessise malümatına köre, bu yıl yarımadada umumen 208 biñ mektep talebesi olacaq.
Evel bildirile edi ki, bu yıl birinci sınıfqa 23 700 talebe ketecek.
