Qırımda işğal neticesinde 15 bala elâk oldı, bir bebey anasından ayırıldı. Qırımtatar resurs merkezi haber etkenine köre, onlarnen bala ana-babasınıñ öldürüvi ve ğayıp oluvı sebebinden zarar kördi.
"Ukrayinanıñ qıtaiy qısmından yüz biñlernen ukrayin balası Qırımnıñ bala şifa merkezlerinde ve mahsuslaştırılğan bala şifahanelerinde sağlıqlaşuv ve tibbiy reabilitatsiya aqqından marum etildi. Biñlernen bala mecburen köçkenler oldı, böyleliknen vatanında milliy toplulıqta yaşamaq aqqından marum qaldılar", — dep aytıla haberde.
On biñlernen bala tasil esnasınıñ arbiyleştirilüviniñ qurbanı oldı, dep hatırlata QRM, bu ise BMT Bala aqları şartnamesini ve işğal etken devletniñ ordusında hızmet etüv teşviqatını vatandaş ealisine yasaq etken IV Jeneva şartnamesiniñ 51-inci maddesini boza.
Qırımtatar resurs merkezi Ukrayinanıñ işğal etilgen topraqlarda insanlarnıñ hırsızlanuvı aqqında malümatnıñ tarqatılmasınıñ müimligini qayd ete.
Oraq ayında Rusiye akimiyeti siyasiy sebeplerden taqip etilgen 260 qırımlını apishanelerde tuta, dep haber etken edi. Olardan 153 qırımtatardır.