İşğal altındaki Qırımda oktâbrniñ 1-nden başlap Rusiye ükümeti qabul etken yanğınğa qarşı rejim qaideleri olacaq. Böylece, balkonlarda sigar içmege, manğal ve çıraq qullanmağa yasaq etile.
Bu aqta Kreml kontrolindeki Qırımnıñ Fevqulâde vaziyetler nazirligi bildire.
«Rusiye ükümetiniñ 2019 senesi sentâbrniñ 20-nde qabul etken qararında bir sıra talap bar, olarğa binaen, oktâbrniñ 1-nden başlap qanun dairelerniñ balkonları ve lociyalarında, yataqhanelerniñ odalarında ve musafirhanelerniñ odalarında açıq ateş qullanmağa yasaq ete. Sigar içüv, manğal, çıraq ve açıq ateşniñ diger menşeleri bu yerlerde qullanılmaycaq», – dep bildirdi müessiseniñ yolbaşçısı Sergey Şahov.
Qanunnı bozğan insanlarnı üç biñ rublege qadar para cezası bekley.
Qurtarıcılarnıñ malümatına köre, balkonlarda çıqqan yanğınlarnıñ 60%-ı sigar içüv sebebinden ola.
