Noyabr 4-ü, çarşenbe künü, Qırımda ruiyeli Halq Birligi Kününden sebep raatlıq künüdir.
"Halq Birligi Kününiñ qutlanmasından sebep noyabrniñ 4-ü raatlıq künü olacaq. Böylece, noyabrniñ ilk aftasında dört iş künü olacaq - noyabrniñ 2-si ve 3-ü ve noyabrniñ 5-i ve 6-sı", - denile Rostrud saytındaki beyanatta.
Raatlıq künü olğanı içün, Qırımnıñ rusiyeli başı Sergey Aksönov aftanıñ başında bildirdi ki, çarşenbe künü koronavirus tarqalamasınen küreşken ştabnıñ oturışı olmaycaq.
Aqmescit akimiyeti raatlıq künlerune qadar süreycek bayram merasimleriniñ programmasını derc etti.
Qomşu Rusiyede 2005 senesi noyabr 4-ünden berli Halq Biriligi Künü devlet bayramını qutlaylar. Bu bayramnı keçirmek teşebbüsini Rusiye Dinlerara Şurası kösterdi. Qırımda bu künni ilhaqtan soñ qutlap başladılar.
