Qırım qurtarıcıları, yarımadada noyabrniñ 22-sinece yüksek yanğın telükesi olacağını bildire.
Bu, Rusiye nezaretindeki Qırım ükümetiniñ Fevqulâde Vaziyetler Nazirliginiñ saytında haber etile.
"Qırım gidrometeorologiya ve etraftaki müit monitoringi idaresi"niñ malümatına köre, noyabr 19-22-sinde Qırımnıñ orta ve şarq rayonlarında yüksek yanğın telükesi rejimi qalacaq" - denile müessise beyanatında.
Bundan sebep, yanğın telükesi olğan vaqıtta ateş yaqmaq, manğal ve patlav aletleri qullanmaq, yanğan sernik taşlamaq ve terek tübündeki otlarnı yaqmaq yasaq. Bundan ğayrı, orman alanlarında ve dağda sigaret içmek, yanğan sernik ve sigaretlerni taşlamaq, küneşli yerde şişe, cam parçalarını ve başqa çöplükni qaldırmağa yasaqlana.
