Salı künü, dekabrniñ 11-nde, Qırımda natsizm qurbanları olğan qırımçaq ve yeudiylerni añalar.
Ananeviy merasimler Kefe yolunda saat 10-da olacaqtır. Er yıl bu yerde üç dinniñ duaları aytıla: yeudiy, pravoslav, musulman.
2004 senesi oktâbrniñ 20-nde Qırım Muhtar Cumhuriyetiniñ Yuqarı Şurası dekabrniñ 11-ni natsizm qurbanları olğan qırımçaq ve yeudiylerni añma künü olaraq ilân etmege qarar alğan edi. Şu künü bütün memuriy binalarda Qırım Muhtar Cumhuriyetiniñ bayrağı endirilmeli.
1941 senesi dekabrniñ 11-13-nde Kefe yolunıñ 10-uncı kilometrinde alman işğalcileri 14 biñden ziyade yeudiy ve qırımçaqnı qurşunğa tizdi.
