Qırımda Murmansk Rusiye şeerinden sportçu vefat etti. Qurtarıcılar bildirgenine köre, yigit Tuvaq (Rıbaçye) köyünde çapqalamaqqa çıqtı ve keri qaytmadı.
"Rıbaçye" pansionatında yaşağan Murmansk şeerinden sportçular, saba çapqalamaqqa çıqqanından soñ, birisi - 2001 doğma yigit - keri qaytmağanı aqqında tünevin saat 16:30 qurtaruv hızmetine bildirdiler", - dep aytıp berdiler müessisede.
Qurtarıcılarga köre, gece qıdırmaqnı toqtattılar, amma saba olar kene devam etti.
"Oğlannı saba ölü taptılar. Adise tahqiq etile", - qayd etti FVN idaresi.
Qara deñizde Aqmeçit (Çernomorskoye) qasabası yanında dört künden berli ğayıp olğan dalıcını qıdıralar.
